| KAPANUNOTAN |
AGPAAY kadagiti amin nga Ilokano daytoy a
website. Naipasngay gapu laeng iti gandat a panagtultuloy a pannakaputar dagiti naidumduma ken napipintas a sarita ken daniw.
Sarita ken daniw a para kadagiti amin a mangipatpateg ken mangipategto iti pagsasao nga Iluko tapno mangted adal, sursuro,
inspirasion ken liwliwa.
Agserbi koma nga inspirasion kadagiti mannurat
ken agbasbasa daytoy a website tapno agtultuloy a masangal dagiti sinurat a pagsarmingan mainaig iti pudno ken nabagas a kaipapanan
ti biag.
Nabukel daytoy a website tapno ti pagsasao
nga Iluko ket rumang-ay ken agrangpaya iti nadumaduma a pagilian a pakasarakan kadagiti Ilokano a mannakigasanggasat ken lumablaban
iti biag. Mayasideg latta iti pusona ti agbasa ken agsurat iti pagsasao a nariinganna. Ta no man pay ni Ilokano ket adda iti
sadino man, saan koma dayta a tubeng iti ayatna a tumulong a mangpadur-as iti Literatura Ilokana.
Iti agdama a panawen ti computer age, saan
metten a paudi ti maysa nga Ilokano. Iti nadumaduma a paset ti lubong, addanto latta masarakam a mangisakit, mangidir-i, mangitandudo,
mangipagpannakkel ken mangipateg iti nagtaudam a puli. Agbiag dagiti Ilokano!
Kenka, ken kadagiti sumaruno pay a sumangbay,
sagut daytoy a pagtaengan kadakayo. Dakayo met laeng ti gapuna tapno ad-adda pay a dumur-as, agsampaga ken mataginayon daytoy
a website a kas met iti pannakataginayon ti pagsasaotayo.
   
|
Asino ti irekomendam nga aghurado iti RFAAFIL?
Ania
a tema ti kayatmo a matratar iti pasalip?
Sungbatan dagitoy iti POLL. |
____________________
