|
Pannakiinnuman, pannakitungtong, pannakipatang
wenno pananginterbio ti RFAAFIL ken ni mannurat tapno saan laeng a ti gapuananna wenno ti sinuratna ti napateg no di pay ket
dagiti sirmata, kapanunotan, istilo, wagas ken uray payen kabibiagna a kas mannurat. Dagitoy ket mangted pagulidanan
ken pagtuladan nga agpaay saan laeng kadagiti agngayngayangay a mannurat no di pay ket kasta metten kadagiti agbasbasa.
______________________________________________________
Ti Kinamannurat ni Francisco T. Ponce 
05-27-2004 (RFAAFIL 2003-2004)
Manangipateg, mannakaawat, managsirmata,
managsakripisio ken kinapakumbaba- nabatad dagitoy a galad ni Francisco T. Ponce kas ipasimudaag dagiti sungbatna iti pannakitungtong
ti RFAAFIL kenkuana maipanggep iti kinamannuratna. Saan ngarud a nakakaskasdaaw no apay a narimat ti plumana kasta metten
ti personal a biagna.
______________________________________________________
Ti Palimed ni Fernando B. Sanchez
06-05-2003 (RFAAFIL 2002-2003)
"Diak ibilang a suerte
wenno gasat a simmangbay kaniak no apay a magun-odko ti maysa a pammadayaw. Adu a tuok, bannog, ken sakripisio ti nagdaliasatak."
paset daytoy iti pannakipatang ti RFAAFIL ken ni Fernando B. Sanchez a nangabak iti umuna a gunggona iti umuna a pasalip ti
RFAAFIL babaen ti saritana a "Sumasayyo".
Iti pannakiinnuman ti RFAAFIL kenkuana, pinadas
a kutkoten, a kas man agkali iti napateg a gameng, no ania dagiti palimed a kupkupikopanna a kas balitok a nakalemmeng iti
plumana.
______________________________________________________
Pannakipatang ken ni Agustin DC. Rubin
05-03-2003 (RFAAFIL 2002-2003)
Kapatgan a sagut ti maysa nga ama kadagiti
annakna isu awan sabali no di ti panangipategna iti asawana. Panangipateg a nasapataan iti sangnguanan ti altar inggana't
tungpal biag. Dayta a pammateg ti nangbiag iti sarita ni Agustin DC. Rubin a nangabak iti RFAAFIL 2003 Readers Choice Award
a napauluan iti "Kanta iti Sab-ok ti Agpakadan a Malem" kas paneknekan tunggal balikas nga inaramatna
ket mariknam dayta iti pannakitungtong ti RFAAFIL kenkuana.
______________________________________________________ | 
____________________
