|
Ania a tema ti kayat a matratar
iti pasalip ti RFAAFIL?
________________________________________
 
ADU dagiti banag a madakamat, masao,
maibaga, maisingasing wenno mapanunot iti ania man a topiko. Kas ipaneknek dagiti mensahe a maaw-awat iti inaldaw, ammomi
a dagitoy a kapanunotan ti tunggal maysa ken maysa kadatayo ket nabileg a tumulong a mangragpat iti ania man a panggep.
Sisasagana ti RFAAFIL a dumngeg kadagiti
kayatyo nga iburay wenno isuhestion. Adu dagiti saludsod a nalaka laeng a sungbatan ngem adu met dagiti pakariribukan. Dagitoy
a saludsod ket isublimi met laeng kadakayo tapno saan laeng a dakami ti mangngeddeng no di ket agramankayo. Iti kastoy a pamuspusan,
mairusat dagiti panggep tapno agbanag a nasayaat ken agballigi.
Uray ania a garaw wenno klase ti addang a
kayat nga aramiden, addanto latta makuna ti sabali. Isu a napipia ketdi no dayta a kapanunotan ket imdengan ken imutektekan
a naimbag. Saan ket a baybay-an. Baka daytoyto pay ti makatulong kenka iti masanguanan.
Ket ala ngarud, no adda man kayatyo nga iburay,
ipadigo, ibaga wenno isingasing, ipatulodyo laeng ta madadaankami a mangbasa kadagitoy. Mabalinyo met ti sumali iti RFAAFIL
Poll tapno sungbatanyo dagiti pabutosanmi a saludsod. Ania man dayta a kapanunotan wenno sungbatyo, isu ti napateg ken nasken.
| 
____________________
