|
Reynald F. Antonio Awards for Iluko
Literature (RFAAFIL)
Panangipateg iti pagsasao nga Iluko ken panangimutektek
nga awanen kasam-itan a denggen, baliksen, basaen ken suraten no di ti pagsasao a nariingan, ti gapuna a naipasngay ti RFAAFIL.
Iti agdama, ti kangrunaan a gandat ti
RFAAFIL ket mangpadayaw kadagiti dekalidad a sinurat tapno mataginayon ti pannakaputar dagitoy para kadagiti annak ni
saluyot ken para iti literatura.
Nabukel met ti www.rfaafil.com a website
kas opisyal a pagtaengan ti RFAAFIL iti internet. Iti aldaw ti Mayo 19, 2002 nga immuna a timmayab iti law-ang daytoy a website
tapno dumanon kadagiti Ilokano iti amin a paset ti lubong.
Iti pakasaritaan ti Iluko Literature, ti
RFAAFIL ti umuna a pasalip iti tay-ak ti panagsuratan nga agusar wenno agaramat babaen ti internet. Mangipaneknek a sumursurot
met ti kultura ni Ilokano iti panagdur-as ti panawen.
Narugian ti RFAAFIL Reader's Choice Award
iti tawen 2003 para kadagiti readers. Pammadayaw dagiti agbasbasa ken ni mannurat a magustuanda ti sinuratna ken gundawayda
metten a tumulong ken makipagmuli iti literatura. Panagtultuloy a pannakaputar dagiti dekalidad a sarita ken panagrang-ay
ni mannurat, ti GUMIL ken ti Literatura Ilokana ti panggep a ragpaten daytoy nga award.
No adda dagiti nasken nga iyuman, isurat
laeng ket iturong ken ni webmaster iti webmaster@rfaafil.com wenno kadakami iti admin@rfaafil.com wenno iti daytoy pay nga
adres: rfaafil@hotmail.com ken rfaafil2003@hotmail.com. | 
