Kanta Iti Sab-ok Ti Agpakadan A Malem:
Magustuak unay ti sarita a maibagay la unay ti paulona a Kanta iti Sab-ok ti Agpakadan a Malem. Nagpintasen ti pannakasangal dagiti makapikapik a balikas, ti pannakaibugas dagiti naimbag a kababalin, ti pannakaiparang kadagiti taldiap-napalabas ken kastan metten ti pannakailaga ti kanta a Dungdunguenkanto. Maysa nga ehemplo daytoy a sarita para kadagiti agassawa nga iti rigat ken nam-ay, agtinnulongda. A kalpasan dagiti aglabas a tawtawen, adda pay laeng pammateg ken panangiyalikaka iti tunggal maysa ken maysa. Ta rumbeng dayta kalpasan ti sinapataanda iti sanguanan ti altar. Ket ninto laeng patay ti mamagsina kadakuada. Lugayak man ni mannurat a nangaramid kadaytoy a sarita.